Iohannes de Marignollis: Relatio

Pag 527


non ociose, quia summam disputacionem habuimus cum
Patriarcha Grecorum et toto concilio eorum in pallacio
sancte Sophie, ubi Deus fecit in nobis novum miraculum, dans nobis
os et sapienciam cui non potuerunt resistere, et se necessario
esse scismaticos confiteri conpulsi sunt, nichil in sue dampnacionis
pallium pretendentes nisi superbiam intolerabilem presulum
Romanorum.
5. Inde navigavimus mare Maurum et in octo diebus pervenimus
in Caffa, ubi multarum sectarum sunt christiani. Inde
ad primum Thartarorum Imperatorem Usbec pervenimus et
obtulimus litteras, pannos, dextrarium, cytiacam et dona Pape,
et post hiemem bene pasti, vestiti et remunerati magnifice et
cum eius equis et expensis pervenimus in Armalec imperii medii,
ubi fecimus ecclesiam, emimus aream, fecimus fontes, cantavimus
missas et baptisavimus plures, libere et publice predicantes, non
obstante quod anno precedenti solempne martyrium passi sunt
ibidem pro Christo Episcopus et sex alii fratres Minores, miraculis
coruscantes, quorum nomina: frater Rychardus Episcopus,
natione Burgundus; frater Franciscus de Alexandria; frater
Paschalis Hyspanus, qui fuit propheta et vidit celum apertum
et predixit sibi et sociis suis martyrium et Thartaros de Saray

Torna all'inizio