igitur quem antiquae fidei praescripta sinceritas,
et praestita dudum felicis recordationis
domino patri nostro grata servitia nobis efficaciter
recommendant: de cujus etiam experta
scientia, probitate cognita, [et doctrina
probata,] in conspectu nostro jam pluries
multorum testimonia claruerunt: ad celebranda
communis studii ejusdem festiva
solennia hilariter providimus invitandum: fidelitati
tuae praecipiendo mandantes,
quatenus de favore et gratia nostra securus,
ad civitatem ipsam, ob reverentiam Majestatis
nostrae, personaliter recturus accedas.
Et ut certam concipias de nostrae gratiae liberalitate
fiduciam, firmiter te tenere volumus,
quod in adventu tuo, in signum secundioris
auspicii, de valore annuo 12. unciarum
auri tibi faciat nostra munificentia
provideri.
Cap. XI.
Invitat scholares ad studium Neapolitanum.
Deo propitio, per quem vivimus et regnamus,
cui omnes actus nostros offerimus,
cui omne quod agimus imputamus,
in regnum nostrum desideramus
multos prudenter et providos fieri per scientiarum