Gualterius de Rico, Oliverius, Iacobus et Zerlus de Abonis
et Castellus de Cuzigo et Maldottus de Vignate, Mussus
Circamundus, Otto Mediusparente, Vivianus de Vavri,
Albertus Bardonus, Anselmus de Conello, Mussus Garbanus,
Zanucillus de Guasco. Et de servitoribus communis Laude
fuerunt capti: Gracianus, Bonusioannes de la Turre, Gofredus
Aravitus et quam plures alii. Albertus vero de Sesto
fuit ibi occisus. Ex Placentinis autem duo a Laudensibus
capiuntur, Ubertus scilicet de la Porta et quidam alius, et
quinque ipsorum equi.
Deinde sequenti die Veneris, qui fuit septimo decimo die
predicti mensis Marcii, proficiscuntur Mediolanenses obsidere
castrum de Castilione, quod est in comitatu Sepriensi, cum
manganis et petreriis et gattis; ipsumque fortiter expugnant.
E converso hi, qui fuerant in castro, se pro posse muniunt,
suos edificantes manganos; et cum optimis balistis sepe sagittantes
|
1
5
10
15
|