paternam benedictionem, salutis et paterne benedictionis
munera, paterne benedictionis et hereditatis participem, paterna
benedictione et Dei gratia perenniter frui, omnium munerum
celestium portionem et paternam benedictionem" et similia.
Salutatio filii ad patrem.
"Dilectissimo patri et domno G. karissime benivolentie
unione coniuncto H. humilis filius, quod domno famulus, quod
genitori natus, quod duci tirunculus, quod patri peramans
filius, servitium ut patri et domno vel karissimo genitori natus"
vel aliquam de supradictis, quas a subditis ad prelatos mitti
debere diximus.
Consanguineorum salutationes inter se.
"L. consanguineo dilecto vel consanguinitatis linea sibi
copulato et consanguinitatis amore coniuncto dulcissima parentele
commixtione sibi connexo, gratissime consanguinitatis
unitate sibis unito N. omnimodi amoris dulcedinem copiosam,
sicut parentele unionem ita perennem in Domino commixtionem,
consanguinee dulcedinis amorem" vel illarum quamlibet, quam
inter amicos et socios delegari oportere decrevimus.
Salutatio alicuius prelati ad quemlibet sacerdotem
senem sibi subditum.
"R. etate patri veneratione domno, conditione filio Dei
gratia sancte Marie in Castello venerabili sacerdoti B. Bononiensium
minister licet in indignus servitium et salutem in Domino"
vel de illis aliquam , quasi subditis a prelatis conveniens
est delegari.
v
|
|