Richardus Venusinus: De Paulino et Polla

Pag 114


Me modo permittat gratia vestra loqui.
Est ratio reprobet quare presentia, laudet
Prisca senex: etas prisca iocosa fuit.
Quidquid agunt iuvenes, totum sibi dulce videtur,
Causa, licet tristis, leta videtur eis.
In fluvio mellis addatur si quid amarum,
Dulcescet mellis vi dominante sibi;
Si modicis spargantur aquis incendia magna,
Protinus in flammas humor abibit aque.
Sic data letitie iuvenum dum floreat etas
Pro nichilo reputat asperitatis onus.
Econtra male viva senum lugubrior etas,
Plena dolore quies, pena videtur eis;
Ludere si cupiat, pro crimine ludus habetur,
Est quasi pro monstro ludere velle senem;
Si demas oleum, fiet tenebrosa lucerna,
Dempto melle, favus absque sapore manet.
Cum iam desierit etas florere senilis
Despicitur, sensu iam vacuata suo.

Torna all'inizio