sed rem quamdam acquisitam ei, quia assumptus
est a Verbo, ut illud et cognoscant, quoniam
nomen tibi Dominus.
12. Coelestium . Coelestium dicit invisibilium virtutum;
terrestrium vero, vivorum hominum: infernorum
etiam, illorum qui mortui sunt, qui et
ipsi per resurrectionem Deum confitebuntur suae
resurrectionis auctorem.
13. Sicut semper . Optime per memoriam praeteritorum,
persuasit illis nihil de caetero indignum
sapere.
14. AUGUST. (lib. De grat. et lib. arb. , cap. 9,
tom. VII.) Cum metu et tremore . Tanquam ergo interrogaretur
Apostolus et diceretur ei: Quare dixisti
cum timore et tremore? horum verborum rationem
reddidit dicens: Deus enim qui operatur in vobis .
Si enim timetis et tremitis, non extollimini tanquam
de vestris bonis operibus, quia Deus est qui
operatur in vobis.
15. LANFR. Deus est enim . Ratio cur dixerit cum
metu et tremore; summa enim reverentia et mentis
et corporis faciendum est illud, cujus Deus cooperator
existit.
16. Sed et si immolor . Immolatus, id est, occisus
est Apostolus, quia hos et alios ad Deum convertit,
quorum fidem quasi sacrificium et obsequium Deo
obtulit. Et est sensus, quamvis sacrificium corporis
mei [ sup ., offeram], addo sacrificium, et obsequium
fidei vestrae, etc.
17. Gaudeo , etc. Gaudeo, inquit, de obsequio
fidei vestrae, id est, de hoc quod fidem vestram
Deo sacrificavi; et non de hoc tantum, sed etiam
si contingat mihi pro vobis, id est, si immolor.
18. Et congratulor , id est, gratias ago, quia
obedientia vestra hoc mihi contulit.
19. Spero autem , etc. Mittens Apostolus hanc
Epistolam per Epaphroditum, promittit quod et
|
|