Pocalodo et Malfaxado de Valarano, Laudensium equitibus,
tensa Cremonensium ad Papie civitatem recesserunt. Sed
predicti Laudenses equites, quamvis cum predicto Lamberto
amore imperatoris ac ipsius Lamberti Papiam iverunt, tamen
parvo tempore cum ipso Lamberto Papie morantes domum
reversi sunt.
His itaque Laude sic peractis Mediolanenses et Pergamenses,
qui ad castrum Tricii obsidendum, sicut iam dictum
est, perrexerant, castro ligneo et manganis et pretheriis quam
pluribus ibi edificatis seu etiam ponte quodam ligneo super
flumen Adue, quod fere circumquaque deambulabat, post
castellum fabricato, fere usque ad festivitatem sancti Laurentii
proximam venientem, antequam ipsum capere possent, ad
ipsum obsidendum steterunt. Sed cum ipse Ruinus, imperatoris
procurator ac missus, aliique Teutonici ac Longobardi,
qui in ipso castro causa defendendi ipsum amore imperatoris
intraverant, viderunt ses ab imperatore nec ab aliis ipsius
amicis aliquem occursum habere, maxime cum ipsi multociens
imperatori iam mandaverant se non posse ad ultimum resistere,
nisi in occursum eis veniret, tum etiam quia Mediolanenses et
|
1
5
10
15
20
|