ecclesia de N. ad honorem et fidelitatem
nostram fideliter commoretur, deditus et intentus
divinis servitiis exequendis: et alti clerici
qui secum in ipsa ecclesia residebant, tanquam
infideles Perusini accesserint, et cum ipsis
rebellibus nostris jugiter conversentur: ac
ipsius ecclesiae et aliarum ecclesiarum vacantium
ejusdem Castri proventus, ex concessione
nostra ad Commune Castri ejusdem devenerint,
annuatim sibi pro suae vitae sustentatione,
divino intuitu providere misericorditer
dignaremur. Nos itaque ipsius postulationibus
benignius inclinati, fidelitati tuae
praecipiendo mandamus, quatenus si est ita,
memorato presbytero A. ab universitate dicti
loci, de bonis et proventibus ejusdem ecclesiae,
in qua se asserit residere, facias in necessariis
provideri: prout honori nostri culminis,
et qualitati negocii videris expedire.
Cap. XXXIX.
Quod daciae vel collectae non auferantur ab his,
qui in servitio Curiae commorantur.
Ad Majestatis nostrae praesentiam Arnoldus
civis Laudensis, fidelis noster, accedens,
exposuit conquerendo: quod cum ipse
de Cels. nostra mandato in nostris servitiis
moraretur, et adhuc fideliter et devote moretur,
per quendam Potestatem civitatis illius
praedecessorem tuum, et ejusdem Communis
officiales, bona sua omnia sunt extimata, et
ejus data creditoribus in solutum, in ipsius
gravamen et non modicam laesionem. Cumque