Guido Faba: Dictamina rhetorica

101


CIII.
De rectoribus Lombardie ad communia terrarum societatis.
Viris nobilibus et discretis, potestatibus, consiliis et populis
universis societatis Lombardie, rectores salutem et accingi
robore fortitudinis et virtutis. Quia non est sani consilii
prebere aliqua inimicis, per que offensionum iacula preparentur,
universitatem vestram rogamus, vobis sub ea districtione
qua possumus iniungentes, ut sic vestras civitates et
districtus faciatis custodire, officialibus appositis, diligenter, ne
victualia seu arma extrahi valeant vel portari, vos ad invicem
et in omnes a factis et verbis illicitis taliter abstinentes,
ne malevolentia inde proveniat, sed amicitia potius
acquiratur.
CCIIII.
Item ab eisdem alia pro militibus ad ecclesie subsidium
transmittendis.

Ad vestram memoriam reducere non oportet, quod temporis
ostendit brevitas et facti novitas manifestat, qualiter societas
Lombardie pro reverentia Dei sancteque Romane ecclesie
nec non et pro totius societatis statu, commodo et
honore, multa deliberatione previa et liberali promissione prestita,
se adstrinxit ad quingentos milites in servitium sedis
apostolice transmittendos; quod, licet usque ad hec tempora
occasione guerre fuerit prolongatum, iam ultra differri non
potest, cum necessitas imminens et summus pontifex instanter
et instantius hoc exposcat. Cum autem per omnes civitates
sit numerus distributus et debita quantitas assignata,
et a singulis civitatibus milites sint electi qui debeant proficisci,
vestram civitatem rogamus et vobis sub multa districtione
precipimus, ut vestros milites equis et armis faciatis
v

Torna all'inizio