<DE SILENTIO>
Dum regularis hora, praeter Completorium in monasterio canitur, nullus
fratrum loquatur intra officinas totius monasterii nec infra totam curiam
nec etiam in domo infirmorum praeter illos infirmos, quos tanta
infirmitas angustiat, ut eos interim silentium tenere non sinat. Completorium
uero dum canitur, licet priori et eis, qui per licentiam de Completorio
remanent, de utilibus et necessariis rebus loqui.
Similiter dum regularem horam fratres in aecclesia dicunt, nullus
comedat in refectorio excepto solo Completorio. Tunc enim licet iis qui
aliqua utilitate impediti ante illam horam se expedire non possunt et
fratribus qui de foris ueniunt, comedere in refectorio. Qui si ante collationem
incipientes comedere circa finem Completorii cenam suam
commode explere non ualent, licet eis a mensa surgere et in monasterium
ad benedictionem ire et postea in refectorium ad complendam cenam
redire.
<DE CULPAE SATISFACTIONE>
<DE LEUI CULPA.> Ad leuis culpae satisfactionem adiudicatus frater
a communi mensa separatur usurus cibo et potu quibus alii fratres, nisi
ei nominatim fuerit interdictum, refecturus hora nona, si fratres sexta
uel ad uesperam, si fratres hora nona. In monasterio et in capitulo in |
|