DE VENDITIONE PLURIUM VENDENTIUM.
In Dei nomine amen. Talis filius talis, de tali loco, et
talis uxor, eius maritali videlicet consensu, et a me
iudice et notario interrogata, et legiptime de iure ypothecarum
certiorata, congrue respondens, se suosque heredes
et bona, et in solidum, ad hec observanda obligando,
per hoc venditionis instrumentum, die presenti,
iure proprio vel libellario, vendiderunt, dederunt, tradiderunt
et concesserunt tali filio talis, et tali filio talis,
et eorum heredibus, aut cui dederint vel concesserint,
in perpetuum integre, videlicet: unam casam positam
in loco tali, hos fines habentem: a primo latere talis, a
secundo talis et cetera, infra hos fines habentem, et si
qui alii sunt eis veriores, totam vel medietatem, vel
tantam partem, pro diviso vel pro indiviso, una cum
omnibus super se et infra se habitis in i[n]tegrum, omnique
iure et accessione et actione vel usu sibi exinde
aliquo modo vel iure conpetentibus vel pertinentibus,
et cum omnibus adiecentiis, coherentiis et pertinentiis
suis; et donec predicte terre et rei vendite corporalem
fuerit possessionem adeptus, pro eis se possidere et tenere
constituerunt, dantes eis licentiam possessionis
eiusdem rei, et licentiam et potestatem intrandi quandocunque
et qualitercunque sibi placuerit. Liceat itaque
deinceps dictis I. et P. e[m]ptoribus, et eorum
heredibus, aut cui concesserint, predictam casam et
rem, et fructus eius, integre habere, tenere, uti, frui,
ingredi, et iure proprio possidere et vendere, pingnorare
et alienare, et quicquid sibi placuerit facere, sine alicuius
contradictione, lite aut molestia ab omni quoque
autoritate, persona et loco exinde litigante vel molestante
predictam casam et rem venditam, et fructus
eius semper iure proprio legiptime, de iure, et secundum
constitutum Florentinum, defendere, autoriçare ac expedire,
et disobligare et recolligere, et ipsum et eius heredes,
sive eos et eorum heredes et bona, exinde conservare
indempnes ab omni obligatione, debitis, notitiis
et possessionibus, ac exbamnimentis et scripturis,
et quolibet modo, eorum expensis, predicti venditores,
|
|