10. Contra vicium epatis.
Carbonis quercus dragma una, boli ar[menici] dragma
una tere et pulverem cum carne pulli ebri in pastum sibi tribue.
11. Contra fastidium et siccitatem.
Ovum cum lacte caprino in sartagine munda usque ad
duriciam sine fumo bulli et bis vel ter ad comedendum tribue.
Si smaltaverit, liberabitur, et ad omnem proficit infirmitatem. \*
12. Contra tineas.
Si tynee pennas devorant, balsamum purum in foramine
unde penne ceciderunt mitte. Scias quod tynee
morientur et nova renascetur penna.
|
|