defuncto successit illi tercius Otto. Quo tempore Iohannes factus est princeps Salerni.
Interea papa Benedictus postquam annum unum sedit, diem obiit, et successit ei Bonus
qui sedit anno uno mensibus VI. Quo uita decedente Bonifacius sedit mense uno. Cui
expulso Benedictus successit in pontificatus honore qui sedit annis VIIII.
Anno dominice incarationis DCCCCLXXXV, obiit Ludouicus Francorum rex iuuenis,
postquam regnauit annis nouem, sepultusque est in basilica beati Cornelii Compendio. Cui
successit Carolus frater eius filius Lotharii regis. Eodem anno quo Carolus hic cepit
regnare, Ugo dux eius cognomento Chapet rebellauit contra Carolum regem consilioque habito
cum Ascelino qui erat episcopus Laudunensis et consiliarius Caroli quatenus eum sibi
traderet. Qui dolis acquiescens tradidit eum Ugoni duci quadam nocte cunctis quiescentibus.
Vinctus est itaque Carolus rex cum uxore sua et positus in custodia Aurelianis ciuitate
in turri, in qua uitam finiuit. Habuit autem ex eadem uxore filios duos Ludouicum
et Carolum. Ugo itaque dux regnum sibi Francorum arripuit, constituitque regem
filium suum nomine Robbertum. Sicque defecit prosapia regum a Carolo imperatore descendentium
et ex tunc Francorum reges regali tantum honore contenti imperii dignitatem
amiserunt. In illis diebus in Remensium ciuitate erat archiepiscopus, uir bonus et modestus,
iam senex, frater Lotharii regis ex concubina nomine Arnulfus. Ugo autem dux inuidebat
ei uolens exterminare progeniem Lotharii regis. Congregansque in eadem ciuitate
sinodum, fecit degradare domnum Alnulfum in loco uero eius consecrare fecit domnum
|
|