Lanfrancus Ticinensis: In omnes epistulas Pauli commentarii, cum glossula interiecta

Pag 369


5. Dilecto filio . Qui est filius meus, non secundum
carnem, sed secundum catholicam fidem, quam ei
insinuavi; catholicum enim Graece, commune vel
universale dicitur Latine.
6. AMBROS. Ea quae desunt . Bene dixit quae desunt;
nam pietatis ratio omnibus credita erat ab
Apostolo.
7. AUGUST. ( expos. in Evang. Joan. , Tract. 41,
tom. IX) Sine crimine est . Crimen autem est peccatum
grave, accusatione et damnatione
dignissimum.
8. LANFR. Oportet episcopum . Hic aperte ostendit
presbyterorum nomine episcopos superius designatos
fuisse.
9. AMBROS. Non iracundum . Hoc est reminiscentem
iram, et per longi temporis spatia tenentem.
10. LANFR. Proprius eorum propheta . Attende non
solum Judaeos, sed et gentes habuisse prophetas.
11. Cretenses semper mendaces . Tales esse eos
confirmat auctor Epimenides, poeta gentilis.
12. AMBROS. Omnia munda mundis . Quae ad escam
facta sunt, nihil in se immundum habent; si tamen
quis cum munda conscientia velit insumere. Si quis
autem per suam incredulitatem habet conscientiam
coinquinatam, nihil mundum poterit illi esse, qui
talis est.
13. AUGUST. (lib. XXXI cont. Faust. , c. 4, tom. VI)

Torna all'inizio