Mentio Petri filii Nicolai de Pretensino, et Berlingerii filii
Judicis Antonii Platearii de Tarento, et Angeli Ruffuli
Protopapae de Tarento, et Morgentis de Manfredo,
et Falcutii filii Marini de Falconibus de Vigiliis de Tarento,
et ipse Falcutius fuit positus in carcere per annos 6 in
Civitate Tarenti.
Anno 1413. Rex Ladislaus cum magno exercitu et triumpho
intravit Romam cum titulo Imperatoris et expulit de
Roma Papam Joannem.
Anno 1414. Fuit positus in carcere Paulus de Ursinis cum
aliis in Civitate Perusii per Regem Ladislaum.
Fit mentio Nicolai de Balsiaco et Loysii etiam de Balsiaco
de Tarento et Urbani de Carignano et Rugerii de
Maramonte, et Falconis de Vigiliis de Tarento et Suevae
Messanellae, et Tancredi de Messana Judicis Bacti.
De eodem anno mortuus fuit in terra Cryptalearii nobilis vir
Robertus Belloctus Dominus Galatulae.
Anno 1413. diruitur Ecclesia Sancti Cataldi; idest una
Ala, et fuit incaeptum Campanile dicti Sancti Cataldi, et
fuit reparata dicta Ala.
Fit mentio Florimontis faccipecoris, et Dominae Cubelle
de Vento, et Florum de Messana, et Andreae fornato
de Pulzulo Castri Taranti, et Jacobi Spalati, et Cicci de
Prothontino, et Nicolai Mollis.
Rex Ladislaus vixit in Statu suo annis 28. et mortuus
fuit in Civitate Neapolis anno 1414. die lunae 6. mensis Augusti
anno aetatis suae xxxx.
Fit mentio Cubelli Cubellarii de Brundutio Civis Tarenti
Dominus Loffredus Tomacellus de Neapoli fuit Capitaneus
Tarenti.
Anno1415. die 8. Januarii mortuus fuit Dominus Bernardus
Zurulus Comes Montis Auri, et Prothonotarius Regni
Siciliae.
Eodem anno fuit factus magnus rumor in Tarento, et fuit
interfectus nequiter Mutius de Cutignano et percussus in
|
|