Gregorius de Catino: Chronicon Farfense

Pag 300

appendice


actum fuerit exinde. qui vero hoc decretum observaverit fideliter,
ęterna in futuro seculo fruatur beatitudine. amen.
In nomine Domini. ego Guido * * * Farfensis cęnobii
humilis abbas, consilio et permissione totius nostri conventus,
reddo et restituo in ecclesia Beati Martini iuxta verticem huius
montis Mutillę sita, pro regimine sive expensa panis et vini confratris
nostri Gregorii ibidem permanentis, scilicet ipsas res quę
quondam fuerunt eiusdem ecclesię proprietatis in pertinentia Farę
vocabulo Grilli. in primis vinea Alberici Grilli, a cuius capite
via publica, a pede res Berardi Leonis, ab uno latere Gregorii de
Iohanne Angeli, ab alio Iohannis de Angelo. item, res cuiusdam
Ad+c et Dominici Grilli modiorum duorum: ab uno latere Petri
comitis, ab alio filiorum Azonis de Martino, ab alio Ardemanni,
ab alio Natalis usque in rivum et res Mannari. item, vallem
sive clausuram de Ferro: a capite via et res Iohannis de Angelo,
et Benedictus de Iahulo usque ad caput pastini Rodulfi de Meta
et Rodulfi de Tofia, a pede ripę et res Bonini de Tinto, et Tedemarus,
et usque ad Aram, et res Petri de Iohanne Dodę, et
usque in viam prędictam. concedimus etiam et confirmamus
duos homines angarales nostros, idest Benedictum de Iahulo, et
Guidonem de Azo, qui ipsam terram laborant, cum omni redditu
sive servitio nobis pertinente. item, confirmamus ibi duos alios
angarales, quos iam ibi concessit antecessor noster bonę memorię
domnus Beraldus abbas, idest Giraldum et Nectonem, similiter
cum omni redditu vel servitio. ita sane ut neque nos neque
aliquis successor noster vel pręlatus de ipsa ecclesia Beati Martini
auferre aut de ipsis rebus minuere aliquo modo pręsumamus, nec
ipsos homines alicui equiti sive alteri personę ad serviendum tribuamus,
nisi tantum pręfatę ecclesię et ibidem manentibus modo
et in perpetuum. quod, iubente suprascripto domno Guidone
abbate, ego Mainardus diaconus et monachus scripsi, anno Domini
millesimo .CXX., mense aprili, die .XXX., indictione .XIII. + ego
Guido humilis abbas manu mea subscripsi in hac concessione.

Torna all'inizio