vel: 'Ad fructum centesimum pervenire' vel: 'Usque ad
veram perseverare coronam' vel: 'Deum facie ad faciem < contemplari >
vel: 'Illam quam mundus dare non potest pacem'.
(5) Monialibus est dicendum: 'Salutem et ad convivium
sponsi cum prudentibus introire' vel: 'Salutem in eo cuius pulcritudinem
sol et luna mirantur'.
42. (1) DE SUBDITIS AD MAIORES ET PRECIPUE AD IMPERATOREM
ET REGES.
(2) Imperatori et regibus a subditis est dicendum: 'Fidelitatem
perpetuam et de inimicis triumphum' vel: 'Parcere prostratis
et debellare superbos'. (3) A clericis tamen valde religiosis
potest eisdem convenienter dici: 'Spiritu consilii et fortitudinis
abundare' vel: 'Spiritu consilii et timoris Domini abundare'
(4) vel: 'Robore accingi fortitudinis et virtutis' vel: 'Salutem
in eo per quem reges regnant et potentes tenent terram' vel
'scribunt iustitiam'.
43. (1) DE PATRE AD FILIUM ET E CONVERSO ET DE FRATRE
AD FRATREM.
(2) Filio mittit pater: 'Salutem cum benedictione paterna'
vel 'De bono in melius feliciter prosperari' vel: 'Benedictionem
quam Isaac Iacob' vel: 'Benedictionem quam filio patriarcha'.
(3) Filius autem patri: 'Salutem et reverentiam filialem' vel:
'Subiectionem in omnibus cum salute'.