226
repleti omnibus bonis et gazis, ab Oriente, numero quasi trecenti,
et cum per tranquilla maria uelificarent, subito exorta
est immanis tempesta, ut etiam nullus crederet esse iam spem
euadendi: ruunt uenti et zephiri secant cana equora, et ab imo
turbantur mare, et nauis periclitabatur conteri et scindi.
59 Extemplo auditur stridor rudentum et antemnae cum suis
uelis colliduntur, ui uentorum cogente, ac demerguntur in
fluctibus; geminos temones cum archiromachis, nautis et omnibus
utensilibus ipsius nauis iam potens mare abstuleretur,
et sola ipsa merens et stupens instabiliter ferebatur per undas.
60 Fit ingens clamor uirorum merentium, et dum preces ad
Dominum cum lachrimis funderent, subito apparuit eis sanctus
Iuuenalis, episcopus Narniensis, expansis brachiis, super
aquam astantem, et Christum pro eorum ereptione exorantem.
61 Quem nautae uidentes stupore et ammiratione correpti,
quamuis esitando eius amminiculum implorantes dixerunt:
« Si uir Dei es, libera nos! ». 62 Et continuo mare quieuit, et
uires uentorum confractae sunt et omnia, quae mare obsorbuerat,
iuxta naue inuenta sunt; et sic demum ad optatum et securitate
plenum portum transducta est. 63 Viri autem nautae
curiosius intendentes in beatum uirum, interrogati sunt eum,
quisnam esset; qui ait: « Ego sum Iuuenalis, Narniensis episcopus.
64 Agite Deo gratias, qui uos liberauit de periculo
mortis; si autem me uolueritis scire, ad Portam Superiorem
Narniae me indagare studemini et sic effigiem meam diligenter
inuenietis ». 65 Et haec dicens, ab oculis elapsus est: qui
ualde admirantes glorificabant Dominum saluatorem nostrum
Iesum Christum.
66 Expletis actibus suis, miserunt Narniam quadraginta uiros
prudentissimos cum magnis muneribus. 67 Et cum iter a
portu usque ad ciuitatem quasi ducentorum miliaria extende-
|
|