dixit: Ero illorum Deus; et ipsi erunt mihi plebs ,
nisi ego ero unde satientur? Ego ero quaecunque
ab hominibus honeste desiderantur, et vita, et salus,
et victus, et copia, et gloria, et honor, et pax, et
omnia bona.
23. AMBROS. Alioquin quid faciunt . Exemplo hoc,
non factum illorum probat, sed fixam fidem in resurrectione
ostendit.
24. LANFR. Pro mortuis . Pro mortuis dicit peccatis
mortuos agentibus, sicut ad Hebraeos, fundamentum
poenitentiae ab operibus mortuis. Dicit ergo: Si non
est resurrectio mortuorum, quid facient qui per
remissionem peccatorum suorum baptizantur in
memoriam mortis et resurrectionis Christi, putantes
quia et ipsi resurrecturi sint? Abnegaturi enim
sunt baptismum, et mutaturi fidem, quod sacrilegum
est. A quibusdam dicitur, et scriptum reperitur
fuisse quosdam imperitos, qui baptizarentur
pro his qui de hac vita sine baptismo commigrabant:
putantes quia talis eorum baptismus prodesse
posset his qui sine baptismo moriebantur, et
ob hoc esse dictum: Quid facient qui baptizantur
pro mortuis? Sed non est credendum ab auctoritate
stultorum voluisse Apostolum probare, quod tantopere
apud plurimos habebatur incertum.
25. Pro mortuis . Pro mortuis, id est, quasi mortuus.
Baptismus enim figura est mortis. Nihil valet
in baptismo figura mortis et resurrectionis, nisi
futura esset post mortem vera corporum resurrectio.
Sed non est inanis in Ecclesia constitutio
talis.
26. Ut quid et baptizantur . Item, probat idem. Si,
inquit, mortui non resurgunt, quid facient qui
baptizantur pro mortuis? id est, nihil prodest baptizari,
ut sit idem quod dicitur postea, si omnino
mortui non resurgunt, ut quid baptizantur pro illis.
vel ita: si nulli mortui resurgunt, nec baptizati
mortui; et si baptizati mortui non resurgunt,
ut quid baptizantur? Item, si mortui non resurgunt,
ut quid et nos periclitamur omni hora? id est, frustra
patimur quotidie pericula in spe resurrectionis.
Item, si mortui non resurgunt quid mihi prodest
quod pugnavi contra bestias Ephesi quantum homo
potest? nihil.
27. AMBROS. Ut quid et nos . Dicendo et nos,
discrevit personas, ostendens non catholicos esse
qui pro mortuis baptizabantur.
|
|