Richardus Venusinus: De Paulino et Polla

Pag 146


Non cessant: ovis sedulo dives erit.
Hoc ego polliceor sic ut sandalia, tecas
Corrigiamque novam deferat ipse michi.
Quisqis honorari cupit idem debet honorem
Hunc alius gerere quem cupit ipse sibi;
Est honor ille tuus, aliis quem feceris ipse,
Proficiens aliis, proficis ipse tibi.
Hic mundus non est aliud quam mundus honoris:
Si tollatur honor, yle superstes erit.
Rusticus et miles, sapiens et stultus, iniquus
Et probus unius conditionis erunt;
Tonsuram clericus frustra monachusque cucullam,
Arma feret miles religioque crucem.
Vestibus ornari pretiosis quilibet optat,
Ut, bene vestitum, vulgus honoret eum.
Vir geminas vestes quidam gentilis habebat:
Altera sollempnis, altera vilis erat.
Ad mensam regis cum pannis vilibus intrans,

Torna all'inizio