vitae causam habere videtur; hoc enim in isto loco
dicit [ f. , dicitur] ipse Salvator corporis hunc ordinem
vir habet ad mulierem, eo quod, ut consistat,
virum accipit.
12. AUGUST. ( Tract . 15 in Evang. Joan ., t. IX.)
Mundans lavacro . Quid est baptismus? Lavacrum
aquae in verbo. Tolle aquam, non est baptismus.
Tolle verbum, non est baptismus.
13. LANFR. Lavacro aquae in verbo . Verbum vocat
prolationem divinitatis, quae a baptizantibus super
aquam profertur.
14. AUGUST. 14. (lib. De perfect. just. , c. 15, t. VII.)
Ut exhiberet ipse sibi . Tunc utique quando gloriosa;
non enim modo in tantis malis, in tantis scandalis, in
tanta permistione hominum pessimorum, in tantis
opprobriis impiorum dicendum est eam esse
gloriosam.
15. AUGUST. ( Serm . 2 in monte , cap. 22.) Non habentem
maculam . Non habentem maculam neque rugam,
id est, mundam et simplicem.
16. LANFR. Qui suam uxorem diligit . Debent uxores
diligere, quia seipsos a toto, id est, carnem
suam: nam non debent habere (a contrario). Nemo
enim, etc., a genere.
17. Nemo enim unquam . Probat quod viri corpora
sua diligant.
18. Quia membra corporis ejus . Potest legi, corporis
ejus constantis de carne et ossibus ejus, id est, de
infirmis et firmis, vel de carne et ossibus ejus sumus
membra, eamdem carnem, et eadem ossa habentia,
quae ipse habuit.
19. Propter hoc relinquet homo . Quia, inquit, nos
sumus de carne et de ossibus ejus, propter hoc, sicut
scriptum est in Genesi: Relinquet , Verbum Patris
qui futurus est homo, Patrem , id est, non eamdem
essentiam apparens, quia cum Patre permanet, et
matrem , id est, Synagogam, et adhaerebit uxori suae ,
id est. Ecclesiae. Sic autem dicitur sacramentum.
Sed tamen quamvis de Christo dicitur, potest ad
|
|