dicti debiti sibi ab eo facta. Si vero contra faceret, et
hec omnia et singula non observaret, vel aliquam exceptionem
iuris vel fori opponeret, quod contra sit,
promisit ei vel heredibus, aut cui concesserit, dare et
solvere, nomine pene, dupli seu pro duplo, libras tot
et omne dampnum et expensas exinde conpetituras resarcire;
pro quibus omnibus et singulis supradictis obligavit
ei omnia bona sua presentia et futura, et spetialiter
quandam petiam terre et rei positam loco tali,
cuius hii sunt confines: .I. talis et cetera. Quam terram
se pro eo constituens possidere, et fructus ipsius terre
hinc ad talem terminum donavit eidem; omni leg(is),
iuris et const(ituti) auxilio, et fori privilegio, et epistule
divi Adriani, et merito et launacchil, omnique alii exceptioni
speciali et generali renumptians.
Cui preceptum est per guarantigiam, et cetera.
Actum in tali loco et tempore, [presentibus] testibus
et cetera.
DE DONATIONE INTER VIVOS.
In Dei nomine amen. Certum est quod Martinus,
filius talis, vendidit Ianni, filio talis, duos modios grani
boni et puri, ad rectum starium Florentinum, sine malitia,
recipienti vice et nomine Dati filii talis; de quo
grano talis extitit fideiussor, ut continetur publica scriptura
inde facta, manu talis notarii. Qui Ianni inter vivos
et inrevocabiliter donavit, dedit, concessit, cessit atque
mandavit dicto Dato, et eius heredibus, et cui ipse concesserit
integre, videlicet omne ius et actionem, et requisitionem
realem et personalem, utilem et directam
seu mistam, omnemque aliam sibi conpetentes et
conpetentem, pro dicta promissione sibi facta, recipienti
pro predicto Dato, ut dictum est, et in pena et duplo et
dampnis et expensis, et in pingnore pro ipso debito
obligato, et in omnibus et singulis ea occasione, ut in
dicta scriptura publica continetur, et eum procuratorem,
tanquam in rem suam, fecit, quatenus ipse, sua
|
|