fautoribus et sequacibus a liminibus sanctę Romane
Ecclesię separatus subiciatur, sicut Antichristus et invasor atque
destructor totius Christianitatis, nec aliqua super hoc audientia
aliquando ei reservetur, sed ab omni ecclesiastico gradu in quocumque
prius fuerat sine retractatione deponatur. cui quisquis
adhęserit vel qualemcumque tamquam pontifici reverentiam
exhibuerit, aut in aliquo illum defendere pręsurmpserit, pari sententia
sit mancipatus. quisquis autcm huius nostrę decretalis
sententię temerator extiterit, et Romanam Ecclesiam confundere
et perturbare voluerit, et contra hoc statutum temptaverit, perpetuo
anathemate atque excommunicatione damnetur, et cum
impiis qui non resurgent in iudicio reputetur; omnipotentis scilicet
Dei Patris et Filii et Spiritus Sancti contra se iram sentiat,
et sanctorum apostolorum P[etri] et P[auli] quorum pręsumit
confundere ęcclesiam in hac vita et in futuro furorem
reperiat. fiat habitatio eius deserta, et in tabernaculo eius non
sit qui inhabitet. fiant filii eius orphani et uxor eius vidua.
commotus amoveatur ipse atque filii, et mendicent, et eiciantur
de habitationibus suis. scrutetur fenerator omnem substantiam
et diripiant alieni omnes labores eius. orbis terrarum pugnet
contra eum, et omnia helementa sint ei contraria, et omnium
sanctorum quiescentium merita illum confundant. observatores
autem huius nostri decreti Dei omnipotentis gratia protegat et
benedicat, et auctoritate beatorum principum apostolorum P[etri]
et P[auli] ab omnibus peccatorum vinculis absolvat. Nycolaus
episcopus sanctę catholicę et apostolicę Romanę Ecclesię
huic decreto, a nobis sicut superius legitur promulgato, subscripsi.
et Romani episcopi .IIII., idest Bonifatius Albanensis,
Umbertus Silvę Candide, Petrus Ostiensis, Petrus Lavicanensis,
Iohannes Portuensis. et cardinales .IIII., Iohannes
tituli Sancti Marci, Leo tituli Sancti Laurentii in Damaso, Guido
Sanctę Marię Transtyberim, Desiderius Sanctę Cecilię. et diaconi
.IIII., Mantius, Crescentius, Amantius. et Hildebrandus
subdiaconus et monachus cum ceteris subscripsit. Wibertus
|
|