1. Venite cuncti populi,
qui aulam poli colitis,
estote semper providi
complentes iussa Domini.
2. Vultis audire praelia,
quae forti hora edita?
Romana nanque feritas
subscidit per superbiam.
3. Non sponte regis inscii
papam miserunt stolidi,
qui regnum illi abstulit,
coronam dare noluit.
4. Henricus rex terribilis
Romanos muros circumit
insidiasque posuit,
Quirites multos perdidit.
5. Vicissim cadunt milites,
dum pugna surgit acriter,
Romana instat acies
et regis fundit maxime.
6. Sed rex dum videt talia,
sublimi equo scanderat,
collegit iram maximam,
Romana caedit agmina.
7. Romana nam prudentia,
quae mundum totum vicerat,
iam equos deretorserat,
in fuga multos verterat.
|
|