ipsa Roma bellicum sancti Petri se accepisse vexillum contra
omnes sibi adversantes. Quod appensum lancee homicidiorum
videtur indicium; cum profecto nefas sit tale aliquid
suspicari de Petro aut aliud habuisse vexillum, preter quod
datum est in evangelio: Qui vult post me venire, abneget
semetipsum et tollat crucem suam et sequatur me , dicit dominus.
Fideliter et ideo confidenter loquimur. Cavenda est doctoribus
absolute prolata Pauli sententia: Si quis vobis evangelizaverit
preter id quod accepistis, anathema sit . Hec enim dicentes
non adversamur vobis, o seniores Romani, cum magister
noster dicat Ambrosius: Cupio in omnibus sequi Romanam
ecclesiam . Vobiscum enim credimus, vobiscum cunctas
hereses abdicamus, set videtur nobis ratum, ut ius ecclesiasticum
doctor exhibeat ecclesiasticus, non ydiota laicus.
|
|