terram suam et quid sibi placeret. Tunc rex Galacianus
sapienter respondit: "Ego veni ad videndum vos, quia audivi a
pluribus de sensu et curialitate vestra et etiam vos melius scire
naturam falconum et infirmitates eorum cognoscere et eas
curare et quod bene scitis magnos ocelos capere cum eis,
unde volo, si vobis placet, me esse vestrum discipulum. "
Respondit rex Dancus: " Non sum dignus ut scitis meus
discipulus, sed eamus cras ambo ad campos, et videbitis ocelare
meos ocellos " .
Et ita fecerunt. Rex Galacianus vidit eum bene ocelale.
Dixit ei: "Certe verum est quod audivi de vobis, quia
optime scitis artem ocelandi. " Et reversi sunt domum.
Dixit rex Dancus: " Quid vobis placet? "
Respondit rex Galacianus: " Ego volo remittere omnes
milites meos ad terram meam, et volo remanere vobiscum ad
adis[c]endum artem falconum. "
Dixit ei rex Dancus: " Si vos desideratis scire artem
falconum, [redite] ad terram vestram et mittite michi Athanasium
filium vestrum, et pro amore vestro docebo eum ea que
s[c]io de arte falconum. "
Tunc rex Galacianus retullit ei magnas grates et inclinavit
ei vultum. Et accepit licenciam: " Abeo. " Et reversus
fuit ad terram suam, et statim fecit venire ad se Anathasium
filium suum et dixit ei:
" Vis tu adiscere artem falconum? "
Qui respondit: "Libenter volo."
Et statim rex Galatianus misit eum ad curiam regis
Danci. Ipse vero recepit eum cum magno honore et valde
gavisus de adventu ejus. Ipse autem Anathasius erat bonus,
prudens et curialis, et tanti boni ingenii fuit quod in uno anno
didicit omnia que rex Dancus sciebat de arte falconum, et de
omnibus infirmitatibus infrascriptis scivit optime curam earum,
videlicet (segue la tavola).
|
|