Sub corona venundari dicuntur captivi, quia venundabantur
coronati. Cato (mil. 2): “Ut populus potius ob rem
bene gestam supplicatum eat, quam re male gesta coronatus
veneat.
Sublimen est in altitudinem elatum; id autem dicitur a
limine superiore, quia supra nos est.
Succenturiare est explendae centuriae gratia supplere.
Caecilius (229): “Nunc meae malitiae astutia opus est;
succenturia.”
Subrumari dicuntur haedi, cum ad mammam admoventur,
quia ea rumis vocatur, vel quia rumine trahunt lacte sugentes.
|
|