Stephanardus de Vicomercato: Liber de gestis in civitate Mediolani

Pag 17


Semper successus iniusto vulnere. Livor
Sevior exarsit postremo, patre perempto
Iam sene, quem meror, quem iam confecerat evum,
Longaque pauperies, quem triste fugarat in urbes
Fatum, iudicium quem tandem perculit atrox.
Cur in tam miseram gladium sevire senectam
Non puduit? Canos, heu!, non miseratio iuvit,
Non antiquus amor patrie, non sudor amice
Militie exibitus etiam iuvenilibus annis:
Infausto nam nulla seni suffragia prosunt;
Spiritus ethereas cuius subvectus in auras,
Luciferas, prestante Deo, conscendat in edes.
Ultima fortune non sit sententia concors,
Dii faciant! fato felici tristia cedant.
VI.
Interea divo cum sedes alma vacaret
Metropolis, clarus suscepit honorem

Torna all'inizio