XXXVIII. De lupo et uulpe.
Respondere lupo de furti labe tenetur
Vulpes; causa uocat: hic petit, ille negat.
Simius est iudex; docti non errat acumen
Iudicis: archanum mentis in ore legit.
Iudicium figit: «Poscis quod poscere fraus est
Visque fidem de re quam negat ipsa fides.
Tu bene furta negas: te uite purior usus
Liberat. Hanc litem pax domet». Ira cadit.
Simplicitas ueri, fraus estque puerpera falsi:
Esse solent uite consona uerba sue.
Sordibus inbuti nequeunt dimittere sordes.
Fallere qui didicit, fallere semper amat.
|
|