amicus amico non loquitur? Si amor fraternus perpenditur violatus? Suntne
ista dilectionis insignia, que requiruntur in fratribus? Suntne ista
misteria que puritas exigit in amicis? Hos forsitan vestustas Grecorum et
approbata sinceritas de arbore fidei fructus legavit ad posteros, ut tu tamquam
successor ydoneus, stipitem dediscere nescius, eiusdem legis semitas
immiteris. Recogita igitur, frater, pensa quid feceris, cogita si gerere sic
cum amico te decuit, si de fratris amplexibus sine iusta causa sinum excutere
civile vel utile videbatur, ubi fratris presertim incorrupta sinceritas ex
amoris odore quem in fratre gratus inseruit, eque dilectionis meritum
reportabat. Revertere igitur ad primitive caritatis interulas, et, cum satis
per huius semitas erroris incesseris, amplius ambulare desipias, sic hactenus
gessisse te pudeat, et novum induas hominem, qui reconciliationis
virga te corrigat, et, cum per ingratitudinis vitium in fratre peccaveris,
emendationis baculo te castiget.
… uxori … coniunx.
Prosperitate corporis et alacritate cordis per Dei gratiam, qui dator est
omnium, potiri me noveris, et illud inter cetera, Deo teste, desiderare precipuum,
quod de tua filiorumque salute continua subsequenter mihi nova
placentia referantur.
|
|