[BENEDICTUS episcopus], servus servorum Dei. Iohanni venerabili
abbati ex monasterio Christi martyris Vincencii, et per
te in eodem venerabili monasterio tuisque successoribus in perpetuum.
Cum magna nobis sollicitudine cura insistit pro universis
Dei ecclesiis, ac piis locis vigilandum, ne aliquam necessitatis iacturam
sustineant, sed magis propria utilitate stipendia consequantur.
ideo convenit nos pastoralis tota mentis integritate eorumdem venerabilium
locorum max[i]me stabilitatis integritatem procurare, et
sedule eorum utilitati subsidia illi conferre, ut Deo nostro omnipotenti
id quod pro eius sanctimoniis honorem eciam ad laudem,
atque gloriam eius divine maiestatis venerabilium n[os ce]r[tu]m
eciam contulisse locis sitque acceptabile, nobisque ad eius locum
plenissima misericordia dignum huiusmodi pii operis nostri in sidereis
conferatur arcibus remuneracionem. igitur, quia petistis a nobis,
quatenus monasterium Beati Vincencii martiris, situm supra fluvium
Vulturnum, territorio Beneventano, partibus Samnie, una cum suis
pertinenciis, et monasteriis, videlicet venerabile monasterium Beati
Petri apostuli, positum iusta fluvium Sabbati, territorio Beneventano;
|
|