4. Ego enim . Humiliat se, et tempore causam in
se ascribit.
5. Inanis est ergo . Ad detrimentum eorum proficere
asserit, si crediderint quod futurum non est,
et pudoris est ut aliquis profiteatur hoc credidisse
quod falsum est, et verecundiam illis incutit, et labores
illorum dicit infructuosos; quod nemo utique
de se patitur audire, ut videntes hoc esse contra se,
revertantur ad fidem pristinam.
6. AUGUST. (lib. II De doct. Chr. cap. 31, t. III).
Si mortui . Sunt verae connexiones ratiocinationis,
falsas habentes sententias, quae consequuntur errorem
illius cum quo agitur; quae tamen ad hoc inferuntur
a bono et docto homine, ut in his erubescens
ille cujus errorem consequitur [ al. , consequuntur],
eumdem relinquat errorem; quia si in eodem manere
voluerit, necesse etiam ut illa quae damnat
tenere cogatur.
7. LANFR. Vana est fides . Fidem dicit qua credebant
peccata sibi esse dimissa, per fidem resurrectionis
Christi. Quod non est, si Christus non resurrexit.
8. AMBROS. Miserabiliores sumus . Increduli enim
vel hac vita fruuntur.
9. LANFR. Christus resurrexit . Probat Apostolus
mortuos esse resurrecturos. Si, inquit, Christus
resurrexit, et mortui resurgent. Sed Christus resurrexit,
nam Scripturae dicunt. Item quia resurrexit,
nam visus est, postquam resurrexit, Cephae et aliis.
Idem iterum, resurrexit quia vos eum resurrexisse
credidistis. Quasi dicerent: Credidimus, sed non te
praedicante. Quae cura, inquit, sive ego, sive illi
praedicassent, vos credidistis eum resurrexisse. Et
hoc est quod dicit: Sive enim ego, sive illi sic praedicamus,
et sic credidistis. Item ipsum: Si Christus
revera praedicatur quia resurrexit, tunc vere surrexit;
et si resurrexit (a simili), resurrectio mortuorum
est: quod si est, quomodo quidam dicunt , etc., et sic
non debetis dicere resurrectionem mortuorum non
fore.
|
|