Cap. XXXI.
Exordium super gratiis faciendis conversis ad
fidem noviter.
Consuevit innata consuetudo regnantium,
excessus et merita subditorum justo pietatis
examine, ac pia justitiae moderatione
discutere, ut conversos pie recipiat, et
conversionis ipsorum meritis, ac devozione
pensatis, juste ad eos gratiam liberalitatis effundat.
Habet enim in se gratiosa munera
providentia principalis, ut et conversis
subditis condescendat ad gratiam, et devotionis
ipsorum zelum clementer et liberaliter prosequatur.
Sane etc.
Cap. XXXII.
Concessio notariatus officii.
Notum facimus universitati vestrae, quod
T. Tauriniensis, fidelis noster, juxta sacrarum
constitutionem nostrarum tenorem
examinatus, inventus fidelis, et de
genere fidelium ortus, et sufficiens ad notariatus
officium exercendum, est per nostram Curiam
approbatus. Propter quod de ipsius prudentia,
et fidelitate confisi, statuimus eum
publicum notarium Tauriniensem: ut amodo
in terra ipsa publice notariatus officium, ad
honorem et fidelitatem nostram debeat exercere:
recepto ab eo juramento fidelitatis, de