Nam nec per epistolam ad vos ab aliis missam. Per
epistolam nolumus commendari, quia vos estis
epistola nostra, quae nos commendat, id est, fides
vestra.
2. Epistola nostra . Epistola, inquit, nostra vos
estis, id est, fides nostra per eam laudatur, eo quod
praedicatione nostra vos ad fidem convertimus.
3. In cordibus nostris . Vos et fidem vestram oblivioni
non tradidimus, sed in memoria nostra semper
estis.
4. AUGUST. ( lib. De spiritu et lit. , c. 17. tom. III).
In tabulis cordis . Carnales autem tabulas cordis
dixit, non carnalis prudentiae; sed tanquam viventis,
sensumque habentis, in comparatione lapidis,
qui sine sensu est.
5. ( ibid ., cap. 14). Littera enim occidit . Attende et
vide ut cum quidquam propter circumcisionem, vel
Sabbatum, vel quid aliud umbratilis sacramenti, ac
non totum propter hoc dicat; quod littera prohibens,
peccatum non vivificat [ al ., justificat] hominem,
sed potius occidit, augendo concupiscentiam, et iniquitatem
praevaricatione cumulando, nisi liberet
gratia per legem fidei, quae est in Christo Jesu.
6. LANFR. Littera occidit . Dupliciter potest hoc
intelligi, vel quia sine misericordia peccantes occidi
jubet, dicens: Si quis hoc vel illud fecerit, morte
moriatur. Vel carnaliter observata, animam observantis
occidunt.
7. Spiritus autem vivificat , id est, spiritualiter
intellecta observantis animam vivificat.
8. Quod si ministratio . Commendatio et laus Novi
Testamenti; dicitque, si ministratio veteris legis
formata litteris, in tabulis lapideis, fuit Moysi in
tantam gloriam ut filii Israel faciem ejus videre non
possent, propter claritatem vultus ejus, quae tamen
transitoria fuit; quomodo non magis ministratio
novae legis erit apostolis in gloriam sempiternam.
Vetus autem lex ministratio mortis dicitur; vel
|
|