EODEM quoque tempore, quidam clarissimi viri Alfanus, et Aldemari,
germani filii Aldemari comitis, Audoaldus, et Landulfus
castaldei optulerunt huic monasterio inclitam curtem suam in territorio
Benafrano, per hoc scriptum, et eidem domno Leoni abbati.
IN nomine Domini. Anno quadragesimo secundo regnante
domno Constantino magno imperatore, et .XVI°. anno principatus
domni Landulfi gloriosi principis, et .XII°. anno principatus
domni Pandulfi filii eius, mense ianuario, .XIIIa. indiccione. Ideoque
nos Alfanus, et Aldemari, germani filii quondam Aldemari, qui
fuit comes, et Audoaldus castaldeus, filius quondam Aldemari, et
Landulfus castaldeus, filius bone memorie Potoni, sicut nobis aptum
et congruum est, bona etenim nostra voluntate, et pro firma stabilitate
interesse idoneos subscriptos testes, per hanc quoque cartulam
unanimiter et pari consensu donavimus tibi Leoni, venerabili
abbati monasterii Sancti Vincencii, situm super fluvium Vulturnum,
integram ipsam curtem nostram de finibus Benafro propinquo ecclesia
Sancti Nycandri, ubi dicitur Preta Lata, cum omnibus suis
pertinenciis, que fuit domnica, quam quidam Aldemari thesaurarius
bisavius noster, concessam habuit a parte sacri palacii, per preceptum
ab anulis bonorum preceptorum utraque parte sigillatum,
cum omnia et in omnibus ad eandem curtem pertinentibus. in
primis ipsum ca[m]pum qui dicitur de Balzemundu, habet fines:
de uno latere [.....], unde per tempus aqua decurrit, que dicitur
Fermina; alio latere fossatu; unum caput tenet in silice; aliud caput
|
|