Binos capessere lepores volens utriusque privatur
merito captione.
Beatus ante mortem nemo firmiter est dicendus.
Beatior est qui nil possidet, quam qui multa.
Bonus pastor oves diligenter custodiat, ne lupus
rapax eas rapiat et disperdat.
C
Conatus criminis crimen aggravat perpetratum.
Cum unius crimen diligenter corrigitur, delinquendi
via ceteris dura paratur.
Caput languidum facit membra cetera egrotare.
Cuius domus intus comburitur alieno periculo
male remedium impertitur.
Columba non irascitur, nec scorpio mansuescit.
Cum amicis calumpniosis non agitur fides, sed ,de
servitiis solummodo cogitatur.
Cum mortis debitum omnes homines solvere teneantur,
nec possunt nec debent superstites merito
desperare, si quod spectatur futurum ipsa
mors, fecerit in presenti.
Corpus incolume perseverat, cum membra suo capiti
nullatenus contradicunt.
D
Dulcedo que in amaritudinem convertitur, est
penitus fugienda.
Dolet meretrix cum venter gravidus intumescit.
|
|