Busclavi Sclavonici regis filius dederat, factus ab eo
monachus. Hunc vir sanctus humilitatis studio permutavit
et lucroso concambio asinum laudabilis negotiator accepit.
Nimio quippe Redemptoris nostri desiderio, qui asellę tergo consederat,
vir venerabilis hoc ipsum animal libentius equitabat.
Cum his igitur omnibus superius nominatis Romualdus ad
Pereum, ubi dudum habitaverat, rediit. Ibi denique
his et aliis multis fratribus aggregatis et per cellas singulas constitutis,
tanto fervore heremiticę conversationis rigorem et in se et in
aliis tenuit, ut illorum vita omnibus ad quos fama eorundem pervenire
poterat, mirabilis haberetur. Quis enim non obstupesceret,
quis non inmutationem divinę dexterę predicaret, cum vidisset
prius homines sericis, immo deauratis vestibus indutos, crebris
obsequentium cuneis constipatos, omnium deliciarum affluentiis
assuetos, nunc eos cerneret uno birro contentos, inclusos,
|
1
5
10
15
|