filius, hoc est populus fidelis adoptatus in filium, nisi sola Trinitas,
unus deus. Denique sanctus iste episcopus, qui sic glorificatus est.
ordinem significat clericorum, qui peracto in secundo statu feliciter
cursu suo, ad regna celestia consumatus perveniet. Sequetur autem
illum Benedicti soror, de qua in tipo matris domini et Rachelis
supra tractavimus. Quod autem soror est et non mater, cum et
mater domini mater Johannis dicta sit et Rachel mater Joseph,
siquidem quod Joseph et Johannes hoc et Benedictus significat, illud
cause est, quod Benedictus in hoc loco principalem gerit causam
misterii, et a principio usque in finem universitatem prosequitur.
Joseph autem et Johannes non sic, sed tamquam si ex eo loco
inciperent ubi tertiam Benedictus motionem fecit, relinquens turbam
fratrum et ascendens in montem. Igitur in beata Scolastica
cisterciensium unanimitas designatur, que licet sancta et innocens,
ut imbecillis tamen femina, ardua montis scandere et tam arta nequivit.
Non solum autem, sed et vir domini Benedictus ad eam
descendere caritate compulsus est, quia hi qui possent in ordine
in alto stare, et iam stare incipient, compellentur propter infirmos
fratres aliquantulum a rigore suo fiecti et ad eos qui infra sunt
condescendere, et vincente caritate humilium etiam pernoctare cum
illis compellentur inviti. Sit istud, si sic cportet, sed utinam sic
oporteat, ut reficientes nos ad invicem spiritalibus epulis, totam
noctem futurarum caliginum ducere contingat insompnem. Futuruun
est autem ut columba ista sanctum protinus sequatur Spiritum,
quoniam mater illa felix Rachel ob difficultatem partus periclitata
occubuit. Verumtamen gloriosior est pars illa que manet cum Joseph,
|
|