presencia consumuntur totaliter et arescunt. Denique, etsi mei
fuisti oblitus, saltem tuarum rerum, que minuuntur et destruuntur continue,
non debuisti sic plenarie oblivisci. Quorum utrumque redundat
tibi in dedecus ac in preiudicium vestre domus, dum, per iniuriam
hincinde distractus, tum michi affliccionem ingeris et propinas. Quare,
sub firmitate vinculi maritalis coniugalem benivolenciam habui
subrogare, quatenus festinus velis repatriare quam cito, ut in rebus
gerendis congrua sollicitudo previgeat, et circa me signum anularis
fidei relucescat.
17. Responsiva
Placuerunt valde ea que littere tue attulerunt, et tanto gaudiorum
uberiorem copiam excitaverunt, quanto iocundiori affectu conpunxerunt
viscera mentis mee. Unde, inspectis liquefactis apicibus earundem
nichil aliud quam de reversione cogitans, tantum interpagent calcaria
festinanter.
Capitulum IX
DE NARRACIONIBUS INTER AMICOS ET SOCIOS
1. De amico ad amicum pro amicicia captanda
Etsi dudom obsequiorum collacio lincinde nulla precesserit, qua
sit orta domestica inter nos vel ex habita conversacione noticia, virtus
tamen et bonitas, que per partes Ytalie vos ubique, turba resonante,
magnificant, ad implorandum de amicicia vestra donum mirabili desiderio
me compellunt. Libeat itaque, ut precibus attentis exoro, me,
licet in obsequiorum possibilitate pusillum, in vestrorum ascribere
numero amicorum. Ad hoc, non posito in ensenii modicitate contemptu,
quod offertur cum benignitate percipite. Nam, si quo ad actum
deesset in aliquo, id suppleat cum intimo desiderio mera fides.
2. Responsiva, qund multum placet
Letatus sum valde in hiis que dicta sunt michi et concepta inde.
Nam, de vestra amicicie acquisicione leticiam plene non possunt explicare
sermones. Tantum peticioni vestre sub brevitate transfertur, quod
cordis affectu et clare frontis indicio vos in amicum recipio et in fratrem,
acceptans gratanter ensenium fecundum et placidum quod tam
libera contulit liberalitas vestra michi, et rogo cordialiter sicut possum,
quatenus sic me velitis in vestris exercere gratuitis, et mutua dileccio
cordium astrictiva duorum temporis processu nostri puritatis fidem
augeat in ambobus.
|
|