postea, donec dominus Fredericus imperator in Longobardia
redivit, omnia bene ac prospere Mediolanensibus accesserunt.
Post paucos vero dies factum est prelium ad Pozolum
inter Mediolanenses, qui erant in guarda Terdone, et Papienses
qui ad iam dictum locum de Pozolo causa custodiendi eum
iverant. Ibique in eo prelio multi ex Mediolanensibus et
Papiensibus ab utraque parte capti in carcerem detrusi sunt;
sed tamen plurimi ex Papiensibus tunc capti fuerunt.
Interea rex Fredericus cum a Terdona discessit, tunc
Romam pergens, multa castra multique principes Longobardie,
Tuscie, Romanie ei se subdiderunt. At ipse rex Romam
pergens ibique a domino papa Adriano honorifice susceptus
et apud sancti Petri basilicam incoronatus Dei favente
misericordia imperator est effectus. Postremo ipse imperator
ibi permanens ac a senatoribus Rome aliisque ipsius civitatis
maioribus suum ius et rationem seu etiam usum plane ac
humiliter exigens nec eis aliquid malum facere volens, ipsi
Romani omnimodo id eidem facere recusantes et colla eorum
iugo quasi abiecto temere adversus eum erigentes, non solum
|
1
5
10
15
|