XXIV.
De consanguineo ad consanguineum.
«Dilecto et peramabili consanguineo V. civi Bononiensi,
... Mutinensis civis salutem cum sincere dilectionis constantia.»
XXV.
Generalis salutatio ad parentes et ad alias personas.
«Reverendis dominis A. presbitero, B. avo et C. avie, et
peramabili patri D., et dulcissime matri E., carissimis patruis
F. et G., metuendis avunculis H. et I., honorabilibus et sapientibus
dominabus K. et L. amite et matertere, providis et
discretis fratribus M. et N., et dilectis sororibus O. et P., et
diligendis consobrinis Q. et R., et S. socero, T. honeste uxori,
strenuo consanguineo V., et precordiali amico X. et vicino
Y., et ceteris dominis, vicinis et amicis non modica laude dignis,
Ç. Bononie vigilans in scolasticis documentis» vel «disciplinis,
salutem cum reverentia et dilectione perenni». Reverentia
redditur presbitero et parentibus, dilectio personis
aliis appropriatur. Et convertas dativos in nominativos, et sic
habebis responsivam salutationem.
XXVI.
De amico ad amicum.
«Suo speciali et precordiali amico dilectissimo» vel amicorum
precipuo» vel «dilectissimo et carissimo amico» vel
«discreto, sapienti et peramabili amico» vel «amicorum non
ultimo, A. morum claritate repleto» vel «amico suo pre
mundi ceteris diligendo V., B. salutem et amorem» vel «salutem
et omne bonum», vel «salutem cum indissolubili amoris
|
|