1. Sancti Spiritus gratia nobis assit assidua et his quae
de notitia uersificandi a nobis exterius proferentur, intus
per inspirantem materiam nos repleat.
Cupientibus autem notitiam metrorum uel uersuum consequi
primo loco diligenter oportet considerari quare metra
uel uersus sunt uocati.
2. Quare metra dicantur. Metra uocantur, quia ce < r> tis
pedum mensuris atque spatiis terminantur, nec ultra dimensionem
temporum constitutam procedunt.
3. Quare uersus uocentur. Versus quoque sunt dicti, ab
eo quod pedibus in ordine suo dispositis certo fine moderantur;
qui ne lo < n > gius prouoluerentur quam iudicium
posset sustinere, modum ratio statuit quomodo uerterentur,
unde non inmerito uersus a uertendo uocantur.
4. Sed quoniam, uelut praediximus, tam uretra quam
uersus certa pedum lege constringimus, pedes autem fiunt
ex syllabis, syllabae uero constant ex litteris, uidendum nobis
est quare litterae sint inuentae, quid etiam sit littera,
unde dicatur, quomodo diuidatur, quas etiam proprietates
habeat.
< I. De litteris >
1. Quare litterae sint inuentae. Vsus litterarum repertus
est propter memoriam rerum. Vitae na < m > que praesentis
uarietate nec audiendo di<s>ci poterant omnia nec memoria
contineri; inuentae sunt igitur litterae, ne res fugiant
obliuione. Quae litterae sunt indices rerum, signa
uerborum, quibus etiam tanta uis est, ut nobis absentium dicta sine
uoce loquantur.
|
1
5
10
15
20
25
|