CAP. X
Nicolao papa demortuo, Viterbienses atque omnes
Romanorum gebellini regi Karolo adhaerent. Cardinalium
deinde novum pontificem eligentium magno
impetu concilium adeunt; illorumque nonnulli
captivi fiunt. Post multas denique dissensiones,
Martinus V papa legitur.
Audite, coeli, quae loquor, et tantorum terra
sit ultrix excessuum, apertaque deglutiet cum
Datan et Abiron hujus sceleris patratores. Mortuo
namque domino Nicolao recolendae memoriae,
Viterbienses contra Ursinos, eorumque
complices et fautores erexerunt statim rebellionis
durae cervicem, et quemdam Viscontem Rainerii
Gacti militem concivem, qui per dominum
Ursonem multas jacturas se passum et injurias
praetendebat, commota seditione, in proprium
capitaneum ipsi statuerunt, assumpto tandem in
potestatem domino Riccardello, cive romano,
qui multa quondam in silva Agiarii Gallicorum
invidia procuravit.
His sane capitaneus, omnesque gibellini Urbis,
et civitatis viterbiensis, quae ut plurimum
semper extitit gibellina, ex tunc post obitum
Nicolai regi Carolo adhaeserunt in odium Ursinorum
se sibi placere non modicum, si consanguineos
domini Nicolai, eorumque amatores, nitantur
quibuscumque offendiculis propulsare, pro
eo quod asserunt dictum regem Carolum ab eodem
domino Nicolao, et sui honoris, et magnitudinis
suae depressione gravatum, vias denuo,
si quas possunt, excogitant laesionis. Ideo non
contenti regimen domini Ursonis subita seditione
praecidere ac turbare, sed levas et audent
manus temerarias ad eos extendere, per quos
credunt domos guelforum Urbis, Ursinorum complicium,
exaltari. Cum igitur sedis apostolicae
navicella, procellis hinc inde promentibus, sine
remige fluctuaret, ageretque Viterbii sponsa Christi
in viduitatis lugubribus vestibus Dei ecclesia;
dumque rectorem industrium quaereret, maritum
formosum, et defensorem pervigilem; dumque securum
examen consuetae indagationis exposceret,
starentque domini cardinales arctati, ut moris
est, in palatio providendum ecclesiae de
marito, et errantibus ovibus de pastore; civitatis
praedictae populus, debitae fidelitatis oblitus,
versum palatium praedictum, quadam repentini
scismatis contra fratrum collegium seditione commota,
manu venientes armata, cardinalium
praedictorum dehonestaverunt consortium, et eorum
voluntariae solitudinis quieta silentia perrumpunt,
et, ad fraudolentae praesumptionis
fomenta conversi, quibusdam ac inauditis machinis
quosdam venerabiles patres cardinales, oriundos
de Urbe, et consanguineos dicti domini Nicolai,
clamorosis vocibus expetiverunt in mortem;
intrantque fatuo prontitudine secretum consistorium
eorumdem, quod nulli tunc maxime
adire fas erat, reverendos patres Mattheum Sanctae
Mariae in porticu, et Jordanum Sancti Eustachii,
|
|