et ibi semper sit ordinatus noster quem nos pręponimus, et ad
ius nostrum liberrime consistat ipsa ecclesia Sancti Rufini, et annualiter
perfectorum piscium duas salmas in festivitate sancti Benedicti
vel in Ascensione afferant hic nobis. post hęc vero prępositus
ipsius ecclesię Sancti Martini cum omnibus fratribus suis
refutavit ipsam posituram et omnem condicionem quam acceperant
ab hoc monasterio de ipsa ecclesia Sancti Martini in manibus
domni R. atque B. monachorum nostrorum. Petrus pręsbyter
filius Enrici dedit in hoc monasterio et in ecclesia Sanctę Marię
de Colle Baiano petiam unam in loco vocabulo * * * .
In nomine sanctę et individuę Trinitatis. Heinricus divina favente clementia
quartus Romanorum imperator augustus. omnibus episcopis, abbatibus,
marchionibus, ducibus, comitibus et cunctis reipublicę procuratoribus
totiusque Italici regni ministris. imperatoria maiestas ad bonę fidei viris
veręque cultoribus religionis oportuna largiendum beneficia per omnia benivola
fore debet atque largissima; denique si loca sanctorum nostro proficiunt
studio, in nostris nos negotiis nunc utilius eorum auxiliis credimus foveri et
in futuro tunc confidimus dignius remunerari. noverit autem omnium vestrum
sagacissima sollertia, quoniam quidam Beraldus vir venerabilis magnęque
constantię abbas monasterii Beatę semperque virginis Marię cęnobii Farfensis
una cum [eius] venerabili congregatione nostram adiit excellentiam intimans
nostrę clementię multas incommoditates, invasiones et subreptiones a viris
nefandis nostrique coronę imperii adversariis de bonis pręfati monasterii
hactenus illatas, simulque depręcatus est, ut inspectam autenticam ipsius monasterii
libertatem a regibus vel imperatoribus olim inibi concessam aureis
sigillis bullitam, scilicet Liutprando, Ratgiso, Haistulfo et Desiderio Langobardis,
nec non et Karolo ac Ludovico sive Lothario atque Ludovico altero,
etiam et a nostris parentibus Chuonrado et avo nostro Heinrico et beatę memorię
patre nostro Heinrico, qualiter prędictum monasterium propter divinum amorem
et reverentiam sanctę Dei genitricis semperque virginis Marię dominę nostrę
sub sua semper tuitione tenuissent, nos quoque imperiali corroboratione
eamdem antiquam libertatem per omnia confirmaremus et quandoque res ablatas
Christo propitio restituere studeremus, quatinus, cunctis vexationibus remotis,
|
|