CXXVII.
De papa ad patriarcham pro bono pacis.
Gregorius episcopus servus servorum Dei venerabili in
Christo fratri G., totius Dalmatie et Croatie primati et
apostolice sedis legato, salutem et apostolicam benedictionem.
Cura pastoralis officii, quod Deo volente suscepimus, nos cogit
ad provisionem intendere singulorum, in his maxime in quibus
corporum versatur dispendium et periculum vertitur animarum.
Ideoque tue fraternitati mandamus ut talibus, inter
quos armavit discordia partes suas, verbum pacis annunties
et salutis.
CXXVIII.
Responsiva ad predictam.
Sanctissimo patri et domino G. Dei gratia summo pontifici,
talis patriarcha pedum oscula beatorum. Cum ad talem
locum accedere non valeam propte inimicitias quas ibidem
habeo capitales, in quo me seminare verbum Dei et pacis
vestris litteris mandavistis, meam devotionem habere dignetur
vestra sanctitas excusatam.
CXXVIIII.
Item alia a quocumque prelato ad papam pro absolutione
excommunicati.
Ad devotionem vestre clementie harum serie duxi necessario
declarandum, qualiter P. lator presentium, civis nobilis
Paduanus, pro violenta manuum inectione in clericum
in canonem late sententie noscitur incidisse; qui licet ad
|
|