Faventiam, et, cum eo, maxima societas maiorum clericorum de Florentia et nobilium militum
eiusdem terre. Et ipse dominus electus hospitatus fuit, ea die, apud locum sancte Perpetue.
Et postea, die martis sequenti, equitavit Ravennam ad recipiendam confirmationem sue electionis,
et confirmatus fuit per dominum Andream archidiaconum lunensem et cardinalem Ravenne,
vicarium domini fratris Bonifacii archiepiscopi ravennatis, qui tunc tenporis erat in
Francia. Et venit Faventiam die secundo intrante octubri, et descendit ad maiorem ecclesiam
episcopalem sancti Petri, ubi erant omnes clerici civitatis et [omnes] fratres Minores et Predicatores,
et fuit .… bus et incenso et positus in corporalem possessionem episcopatus Faventie
per dominum cardinalem Ravenne, dando sibi de pannis variis altaris s. Petri apostoli. Et
postea, incontinenti, ivit ad palatium suum Faventie.
Eodem anno Ugolinus Boçola filius domini fratris Alberici de Manfredis desponsavit et
duxit uxorem dominam Patriciam filiam domini Guidonis de Glauçano de Acharixiis, die
dominico XXIV mensis novenbris indictione XV.
Eodem anno infrascripti cardinales Rome de hac vita decesserunt: dominus Guittofredus
de Alatro, dominus Ugo de Anglia, dominus Gervasius de Parixio, dominus Iordanus de
Ursinis, dominus decanus parixiensis, dominus Ancerius de Francia.
Item, eodem anno, die XX mensis decenbris, suprascriptus dominus Lotterius episcopus
Faventie recepit consecrationem in civitate Ravenne, et rediit Faventiam die XXII dicti mensis.
Millesimo ducentesimo octuagesimo octavo, indictione prima, [in primis sex men]sibus fuit
potestas Faventie dominus Gerardus de Tornaquincis [de Florentia], et in secundis [sex
mensibus fuit] potestas dominus Hostaxius de Polenta de Ravenna.
Eodem anno factus est papa dominus Ieronimus de Asculi cardinalis romanus, qui erat
de ordine fratrum Minorum beati Francisci, et fuis electus die XXII februarii, et vocatus fuit
dominus Nicholaus papa quartus.
Eodem anno die mercurii VII intrante mense aprilis, dominus Petrus Stephani comes
provincie Romaniole separavit se de provincia et recessit, pro eo quod alius comes electus
fuit per dominum papam.
Item, eodem anno, dominus Comes cardinalis obiit in civitate romana.
Eodem anno venit in provinciam Romaniole dominus Armannus de Monaldischis de Urbeveteri
comes Romaniole pro sancta romana ecclesia, et intravit provinciam die XII intrante
maio, et, die iovis XIII dicti mensis, venit Faventiam, ubi maximum recepit honorem.
Item, fecit dictus comes parlamentum generale in civitate Forlivii, die dominica XVI mensis
maii.
Item, eodem anno, de mense maii, dominus Malatesta de Veruculo, qui fuerat et steterat
dominus et potestas civitatis Arimini, fuit expulsus de ipsa civitate, et reduxit se ad dictum
|
|