Paulinus Aquileiensis: Carmina

Pag 138


VIII
De caritate
1. Congregauit nos in unum Christi amor,
exultemus et in ipso iocundemur,
timeamus et amemus deum uiuum
et ex corde diligamus nos sincero.
Vbi caritas est uera deus ibi est.
2. Qui non habet caritatem, nihil habet,
sed in tenebris et umbra mortis manet.
Nos alterutrum amemus et in die,
sicut decet, ambulemus lucis fili.
Vbi caritas est uera, deus ibi est.
3. Clamat dominus et dicit clara uoce:
“Vbi fuerint in unum congregati
meum propter nomen simul tres uel duo,
et in medio eorum ego ero.”
Vbi caritas est uera, deus ibi est.

Torna all'inizio