… dilecte … dilectus, per Leonardum de Benevento.
Si candor pudicitie te argentat et picea rubigo lascivie non denigrat,
redeas dilecta cum gaudio; quod si secus senseris, siste gradus. Hostis venires
siquidem non amica; nec sumas ipsa fiduciam, quod in remotis agens
cum ignotis forsitan lascivasti, ut ex hoc sensus nostros de te semper et
ubique sollicitos commissum per te facinus attigisse non credas, quia cum
de vite tue meritis in conclavi frequens fuerit ac exacta discussio. Crede
nobis vera dicturis, quod facies tua testabitur, que cordis puteo commisisti
et ad importunitatem nostram, qui donec de tuis actibus habemus
indaginem ferventius extuamus. Rupto claustro silentii, lingua producet
in publicum quod reservas archanum, ut ex tuo sumas ore inditium, quod
appellationis remedium non suspendet.
… domino … devoti, per Leonardum de Benevento.
Post discessum nostrum de curia, conduxit nos incolumes Dominus
usque Barum, ubi manus Domini, cum quadam rigoris asperitate, nos tetigit.
Cumque de pestilentibus aquis Apulie aliquandiu gustassemus, et
post dies aliquos gressus nostros dirigeremus ad montes, nobis acerbius
|
|