in insula que est inter Ior et Dan congregati sunt; contra quos rex Balduinus
cum suo dampno pugnavit; et interim Ascalonite circa Ierusalem segetes dissipant.
Eodem anno comittissa Sycilie Adalaida, uxor comittis Roberti fratris Viscardi,
Acon causa peregrinationis applicuit. Eodem anno concilium apostolicus in Lateranensi
basilica celebravit. In quo cassatum est illud privilegium, pocius pravilegium appellandum, a patribus
per violentiam extinctum.
CXX. De conbustione civitatis Cremone.
Eodem anno civitas Cremone crematur incendio.
CXXI. De multitudine locustarum.
Anno Domini MCXIIII. Multitudo locustarum ab Arabie partibus advolans Ierosolimitanas
segetes dissipaverunt; maximus terremotus in Antiochenis partibus fuit, domos et munimina
multa subvertit; ante quam musce non introibant.
CXXII. De castrametatione, quam fecerunt Turcli inter Antiochiam
et Damaschum, et de subversione civitatis a terremotu,
et de obitu comittisse Matildis.
Anno Domini MCXV. Castrametati sunt Turchi inter Antiochiam et Damascum. Doldequinus
itaque rex Damascenorum pacem cum rege Balduino et principe Rogerio conposuit. Conveneruntque
simul adversus eos. Interim Ascalonite Ioppem obsederunt. Regibus igitur
ad sua reversis soli Antiocheni Turchos animositate valida superarunt. Eodem anno
subversa est Mamistria terremotu. Eodem anno rex Balduinus in quodam monte Arabie, qui
est inter montem Abarim, in quo Dominus Moysen seppellivit, Ior et Synai,
castrum edificavit et [Regalem]-Montem nominari precepit. Et eodem anno comittissa Matildis
obiit. Et si vis scire de obitu et gestis, quas fecit, recurre ad ystoriam suam.
CXXIII. De rege Balduino et comittisse Adalaide.
Anno Domini MCXVI. Rex Balduinus dimisit Adalaidam comittissam condam Sycilie,
quam sua vivente apud Edissam iniuste duxerat in uxorem.
CXXIIII. De multitudine locustarum.
Anno Domini MCXVII. In Ierosolimitanis partibus multitudo locustarum segetes et arbores
devoravit. Et luna prius rubore, postmodum tota nigredine perfusa est. Eodem anno
rex Balduinus castrum edificavit iuxta Tyrum, quod Scandileon, id est Campum-Leonis, constituit
nominandum. |
|