Cum igitur orthodoxorum Papie congregatorum universitas
in nomine Domini consedisset, causa sedis apostolice per aliquot
dies continuos remoto omni seculari iudicio legitime et canonice
agitata et diligenter inspecta, sufficienter et canonice in conspectu
concilii per testes ydoneos est probatum: dominum papam Victorem
et nullum alium in basilica beati Petri a saniori parte cardinalium
peticione populi Romani et consensu et desiderio cleri fuisse inmantatum
et quod presente et non contradicente Rolando quondam
cancellario in cathedra beati Petri fuerit collocatus et quod ibi ei a cardinalibus
et clero Romano "Te Deum laudamus" gloriose est decantatum
et inde ad palacium cum bandis et aliis papalibus insigniis est deductus.
Probatum est etiam, quod eo tempore, quo electio
Rome celebrabatur, erant in Urbe tantummodo XXI cardinales;
cardinalis autem Sancti Petri ad Vincula erat Anagnie
|
1
5
10
|